3.3.1.1 Zergadunarentzako zerbitzuak

Zergadunari eskaintzen zaizkion zerbitzuak hauek dira:

• Informazio zerbitzuak
  • Zergen gaineko legeria eta ebazpenak, bai Nafarroako Auzitegi Ekonomiko Administratiboak, bai Hitzarmen Ekonomikoaren Arbitraje Batzordeak emandakoak.
  • Arau argitaratu berrien gaineko azalpenezko dokumentuak eta izapidetzen ari diren proiektuetarako sarbide zuzena.
  • Zerga desberdinen kudeaketa atalek kontsulta ohikoenei buruz ematen dituzten aplikazio irizpideak eta erantzunak.
  • Zerga desberdinei buruz izaten diren galdera ohikoenak.
  • Zergadunaren egutegia.
  • Izapide ohikoenetan aurkeztu beharreko dokumentazioa eta jarraitu beharreko urratsak.
  • Laguntza programen erabilera, formularioak betetzea eta ordaintzeko moduak argitzeko eskuliburuak.
  • Ekintzaileentzako, enpresa txiki eta ertainentzako eta mugako langileentzako informazio liburuxkak.
  • Iruzurraren aurkako 2016-2019 plana: Planean jasotzen diren neurriak, parte hartzeko tresnak eta proposamenak azaltzea.
  • Zerga nagusien eta bilketaren gaineko estatistikak.
  • Atal bereziak SILICE, SIANE eta abarri buruz.

• Tresna informatikoak
• Apartatu honetan nabarmentzekoa da Nafarroako Foru Ogasunak 2020ko uztailaz geroztik ematen duen bulego birtualaren zerbitzu berria. Online arretarako kanal berri bat da zergadunentzat, eta abantaila hauek ditu:
  • Zergei dagokienez, zeharkako kostuak murrizten ditu, bulegoetara zuzenean joatea saihesten baitu. Hori beharrezkoa da berez, eta are gehiago gaur egungo osasun egoerarekin.
  • Administrazio elektronikoa normalizatzea dakar.
  • Itxaron denborak desagerrarazten ditu: eskaera onartu ondoren, zergadunak bere ohiko jarduerarekin jarraitzen ahal du, harik eta Eusko Jaurlaritzak posta elektroniko bidez jakinarazten dion arte laster jasoko duela laguntza. Gainera, ez du izanen telefono linearen saturazio arazorik.
  • Zergadunaren mahaigaina, web formularioa, aitorpena eta abar bistaratzeko aukera ematen du, aurrean duen arazoa edo zalantza bisualki ezagutuz, eta laguntza arin eta eraginkorra ahalbidetuz. Hori abantaila da telefono bidezko arretarekiko, eta askotan, aurrez aurreko arreta ordezkatzen ahal du.
  • Kalitate estandar berberak dituen laguntza da, eta 30 minutuko arreta osoa eta pertsonalizatua ematen du.

Lehen fase honetan, zerbitzua enpresaburuei, profesionalei eta entitate laguntzaileei (aholkulariak) zuzenduta dago. Baina aurreikusten ahal da zergadun guztiengana zabalduko dela, erraza eta eraginkorra delako eta zeharkako kostuak murrizten dituelako.

Bestetik, zergadunek hainbat izapide online egiteko aukera ematen du. Nafarroako Foru Ogasunaren ardura da haren bidez eskuratzen ahal diren zerbitzuak eta informazioak osoak, egiazkoak eta eguneratuak izan daitezen.

• Zerga nagusien aitorpenak egiten laguntzeko programak.
• Aitorpenen aurkezpena eta ordainketa telematikoak egiteko aukera ematen duten formulario elektronikoak.
• Aurkeztutako aitorpenen kontsulta.
• PFEZaren kanpainarekin lotutako zerbitzuak: dagozkion itzulketen egoera kontsultatzea, aitorpenak egiteko hitzordua aldez aurretik hartzea, PFEZaren aitorpenean ordaindu beharreko kuota kalkulatzeko simulagailua.
• PFEZaren konturako zatikatzeen proposamenekin lotutako zerbitzuak (130 eredua): Helbideratzeari uko egitearen eta atzera botatzearen inguruko kontsultak eta kudeaketa.
• Bilketarekin lotutako zerbitzuak: bide arruntean nahiz betearazpen bidean diren ordainketak geroratzeko eskabideak, ordainketen eta itzulketen banku helbideratzea, tributuen konturako diru-sarrerak, kredituen enbargoen eginbideei erantzutea, hartzekodunen konkurtsoaren komunikazioa.
• Nafarroako Foru Ogasunaren entitate laguntzaileekin lotutako zerbitzuak.
• Eskabideak, frogagiriak, idazkiak eta komunikazioak aurkezteko Erregistro Telematikoa.
• Eredu informatiboetako akatsen kudeaketa.
• Lurzati zedulak eta haiekin lotutako zerga datuak lortzea.
• PIN zenbakiaren kudeaketa (online eskatzea eta aldatzea).
• Ziurtagiriak eskuratzea.
• Aitorpenen inprimakiak eskuratzea.
• Egiaztapen Kode Seguruarekin egindako ziurtagiriak edo bestelako agiriak egiaztatzea.
• Zerga arloko salaketak.

Lehen aipatutako zerbitzuetako batzuek egiaztapena egiteko PIN zenbakia onartzen dutela kontuan hartuta, 24.677 gutun bidali zaizkie zenbaki hori web aplikazioaren bidez eskatu duten herritarrei; zenbaki horrek % 14,72ko jaitsiera erakusten du, 2019an bidali ziren 21.510 gutunen aldean. Igoera horrek aurrez aurreko bulegoak martxoan, apirilean eta maiatzaren zati batean itxi izanarekin du lotura (ez zuen errazten beste identifikazio metodo batzuk lortzea).

Erabiltzailearen sinadura digitala eskatzen duten izapideak egiteko, webgunean ematen den zerrendan aipatzen diren ziurtapen entitateek ematen dituzten ziurtagiriak erabiltzen ahal dira.

Nafarroako Foru Ogasuna FNMTk emandako sinaduren ziurtapen entitatea da, eta 2020an, guztira, 5.965 eman ditu eta, horrenbestez, gure bulegoetan aurreko urteetan emandako ziurtagiriak gehitzen baditugu, errolda metatuan, guztira, 46.455 indarreko sinadura ditugu.

Kopuru horri gehitu behar zaizkio izapidetu diren Cl@ve ziurtapenak, hau da, 1.173 ziurtapen gehiago.