5.4 Zergadunarentzako zerbitzuen entitate laguntzaileak
Tributuei buruzko abenduaren 14ko 13/2000 Foru Lege Orokorraren 90. artikuluak ezartzen duenez, gizartearekiko lankidetza bermatzeko zergen kudeaketan, Zerga Administrazioak hitzarmenak sinatuko ditu gizarteko, laneko, enpresako edo lanbideetako sektoreak edo interesak ordezkatzen dituzten entitate, instituzio eta erakundeekin.
Horri dagokionez, Ekonomia eta Ogasuneko kontseilariak ekainaren 29an emandako 130/2009 Foru Aginduak kanpoko lankidetzarako hitzarmena onetsi zuen, hirugarrenen izenean aurkeztu ahal izateko zerga arloko aitorpen, jakinarazpen eta beste agiri batzuk telematikoki, eta orobat, zerga zorren ordainketa telematikoa izapidetu ahal izateko.
Bestalde, 2019ko PFEZaren Kanpainan (2020) 16 entitate laguntzailek parte hartu zuten, eta guztira 530 operadorek.
Memoria honen 3.5.6 Bilketaren jarduerak borondatezko aldian puntuan azaldu denez, bilketaren kudeaketan entitate laguntzaileek eman duten laguntzaren datuetan ez da aldaketa handirik izan entitateen kopuruari dagokionez 2020. urtean, baina ordainketen kopuruak eta aplikatutako zenbatekoek, berriz, behera egin dute.
Bilketaren kudeaketan entitate laguntzaileei dagozkien datuak honako koadro honetan aurkezten dira