5.2.3 Informazio trukeak
Nafarroako Foru Ogasuna erabat jabetzen da nolako garrantzia duen informazio bilketa ona egiteak. Ildo horretatik, NFOren esku dauden informazioak aztertu, analizatu eta alderatzeko barne lanetan ahaleginak bideratzeko balio izan du gaur egungo osasun krisiak. Foru Ogasunak, orain urte batzuetatik hona, beste hainbat administrazio publikorekiko informazio hornikuntza eta trukea egiteko hitzarmenak ditu, dagozkien eskumenak gauzatzen elkarri laguntzeko eta herritarren izapideak errazteko. Hitzarmen horietan jasotzen dira informazio truke masiboen kasuan aplikagarriak diren helburu, eduki, periodikotasun eta segurtasun baldintzak.
Informazio trukerako eta lankidetzarako bestelako formak jasotzen dituzten hitzarmen horietatik aipagarriak dira hauek:
- Zerga Administrazioko Estatu Agentzia.
- EAEko Foru Ogasunak.
- Gizarte Segurantzaren Diruzaintza Nagusia.
- Gizarte Segurantzako Institutu Nazionala.
- Botere Judizialaren Kontseilu Nagusia.
- Notariotzaren Kontseilu Nagusia.
- Erregistratzaileen Elkargoa.
- Estatuko Enplegu Zerbitzu Publikoa.
- Laneko Ikuskatzailetza.
- Osasunbidea-Nafarroako Osasun Zerbitzua.
Honako koadro honetan jasotzen dira indarrean diren hitzarmenak.
68. koadroa. Lankidetzarako hitzarmen eta akordioen zerrenda eta indarra hartzeko data.
Era berean, 2020an, auzitegiekiko eta beste zenbait administrazio eta erakunde publikorekiko lankidetzazko jarduketa nagusiak 49 izan ziren.
Ondoko koadro honetan aurkezten da erakunde horietako bakoitzarekiko jarduketen kopurua.